ՀՀ ավելի քան 21,000 կազմակերպությունների ու դրանց մասնաճյուղերի, գտնվելու վայրի, զբաղեցրած տարածքի, գործունեության ոլորտի վերաբերյալ և այլ տվյալներ։ Տեղեկատուն արժեքավոր է հատկապես մատակարար կազմակերպությունների համար՝ իրենց առաքման գործընթացի օպտիմալացման և պոտենցիալ գնորդների հայտնաբերման աշխատանքում։

ՀՀ առաջին 1000 խոշոր հարկատուների և նրանց կողմից վճարված հարկերի մասին տեղեկատվություն։ Տեղեկատուն թարմացվում է www.petekamutner.am կայքի հրապարակումների հիման վրա։

ՀՀ բանկերի, վարկային և վճարահաշվարկային կազմակերպությունների վերաբերյալ տեղեկատվություն։ Տեղեկատուի միջոցով ՀԾ համակարգերում ավտոմատ թարմացվում են նորաբաց և գործող բանկերի տվյալները։

ՀՀ բանկերի և Կենտրոնական բանկի կողմից հրապարակվող արտարժույթի փոխարժեքների մասին տեղեկատվություն։ Տեղեկատուում առկա Փոխարժեքի հաշվիչի օգնությամբ հնարավոր է ավտոմատ հաշվարկել անհրաժեշտ արժույթների փոխարժեքները։

Մանրածախ և մեծածախ առևտրում կիրառվող 110,000-ից ավելի ապրանքների մասին մանրամասն տվյալներ։ Տեղեկատուն համակցված է ՀԾ համակարգերի հետ, որի միջոցով ավտոմատացվում է ապրանքների ավելացման գործընթացը։

Դեղատներում կիրառվող 12,000-ից ավելի ապրանքների մասին մանրամասն տվյալներ։ Տեղեկատուն համակցված է ՀԾ համակարգերի հետ, որի միջոցով ավտոմատացվում է ապրանքների ավելացման գործընթացը։

Հայաստանում միակ համընդհանուր տեղեկատվական ծառայությունը, որը պարունակում մատակարարների և նրանց կողմից հրապարակված ապրանքների և ծառայությունների մասին մանրամասն տեղեկատվություն:

Արտադրանքի՝ ըստ գործունեության տեսակների դասակարգիչը հնարավոր է ավտոմատ ներմուծել ՀԾ համակարգեր։ Ներմուծված դասակարգիչը հնարավոր է կցել ծառայություններին։

Արտադրանքի՝ արտաքին տնտեսական գործունեության ապրանքային անվանացանկի դասակարգիչը հնարավոր է ավտոմատ ներմուծել ՀԾ համակարգեր։ Ներմուծված դասակարգիչը հնարավոր է կցել ապրանքներին։

Հայաստանում նշվող տոների, հիշատակի և ոչ աշխատանքային օրերի վերաբերյալ տեղեկատվություն։ Տեղեկատուն համակցված է ՀԾ ծրագրերի հետ, որի միջոցով ավտոմատացվում է աշխատակիցների աշխատաժամանակի հաշվարկը։

Հարկերի և այլ պարտադիր վճարների, դրանց վճարման ժամկետների, ՀՀ օրենսդրությամբ սահմանված հաշվետվությունների (ֆինանսական, հարկային և այլն) և դրանց ներկայացման վերջնաժամկետների վերաբերյալ տեղեկատվություն։

Փաստաթղթերի փոխանակումն անմիջապես ՀԾ ծրագրերի միջև ապահովում է կազմակերպությունների ընթացիկ բիզնես պրոցեսների օպտիմալացում և մեծածավալ փաստաթղթերի հետ աշխատանքի ավտոմատացում։ Կրճատվում է թղթային փաստաթղթաշրջանառությունը վարելու վրա կատարվող ֆինանսական և ժամանակային ծախսերը։ Փաստաթղթերի ավտոմատ ստեղծման շնորհիվ նաև նվազեցվում են փաստաթղթերը կազմելիս կատարվող սխալները։ b2b.armsoft հարթակը թույլ է տալիս ստեղծել և փոխանակել հետևյալ փաստաթղթերը՝ պատվեր, փոխանցման հաշիվ, հաշիվ-ապրանքագիր և փոխադարձ հաշիվների ստուգման ակտ։

Փաստաթղթերը հնարավոր է վավերացնել էլեկտրոնային ստորագրությամբ։ Այսինքն՝ b2b.armsoft հարթակով ուղարկվող և ստացվող փաստաթղթերը ստանում են իրավական ուժ։ Այդպիսով ամբողջությամբ բացառվում է փաստաթղթերի թղթային շրջանառությունը՝ միաժամանակ ապահովելով փաստաթղթերի ամբողջականությունը և վավերականությունը։

ՀԾ-Վաճառքների Կառավարում համակարգը նախատեսված է առևտրային կազմակերպությունների կողմից ապրանքների պատվերների հավաքագրման և առաքման գործընթացի ավտոմատացման համար: Համակարգի միջոցով առևտրային կազմակերպությունները նվազագույն ծախսերով ապահովում են մատակարարման գործընթացի բարձր արդյունավետություն։

ՀԾ-Պատվերների հարթակը մատակարարների և պատվիրողների (խանութ, գրասենյակ և այլն) միջև ուղիղ կապ ապահովող վեբ-կայք է։ Պատվիրող կազմակերպությունները patver.armsoft.am կայքի միջոցով կարող են պատվիրել մատակարարների կողմից ներկայացված ապրանքները։ Պատվերները հայտնվում են մատակարարների ՀԾ համակարգերում, որտեղ էլ հեշտությամբ մշակվում են։

Մատակարար-Պատվիրող հարաբերություններում վերահսկողություն և օպերատիվություն ապահովելու նպատակով ստեղծվել է Patver հավելվածը։ Հավելվածը պատվիրող կազմակերպություններին (խանութ, գրասենյակ և այլն) հնարավորություն է տալիս իրականացնել օպերատիվ վերահսկողություն պարտքերի և կատարված գործարքների նկատմամբ։